Vladimir Kosta: Erjon, ke ide nga koha e enverizmit!

Deputeti i kthen përgjigjen e premtuar: Je mao- enverist, bëhu socialist evropian "Kryeministri bën diferencim të padrejtë"

zotësinë që kam pasur për të krijuar pasuri, me mend, me guxim e me punë të ndershme. Unë jam një nga ata që me gjithë qejf e kam shkrirë një pjesë të madhe të pasurisë që kam krijuar, për të mirën e elektoratit tim, për përparimin e vendit tim, ku duhet të jetojnë në harmoni të varfër e të pasur, sepse kështu është bota e lirë, këtë shoqëri ku prona është e shenjtë, duam të ndërtojmë ne socialistët evropianë të PSsë; ne që kemi hequr dorë përfundimisht tash 25 vjet, nga eksperimenti i dështuar i mbajtjes në këmbë të shkretëtirës barazitiste enveriste me ndarjen e popullit në klasa etj. Ne jemi të bindur, dhe këtë e themi me zë të lartë, se pa të pasurit shoqëria nuk ka tempin e zhvillimit të domosdoshëm, nuk ka garën mes subjekteve, nuk ka përgjegjësinë individuale të pakufishme të pronarit, nuk ka pra të gjitha këto që janë të domosdoshme që shoqëria njerëzore të zhvillohet me shpejtësi drejt mirëqenies për të gjithë, ku të varfrit jetojnë shumë më mirë, paçka se jo aq mirë sa të pasurit. Ne socialistët nuk jemi për të ndërtuar shoqërinë e varfërisë e mjerimit "njësoj për të gjithë", ku secili mbijeton në kushtet e mjerimit enverist të tollonave e mungesës së çdo gjëje, gjë që ne shqiptarët e provuam praktikisht mbi kurrizin tonë për pothuaj gjysmë shekulli.

Fitorja e PS- së në Berat, si dhe në gjithë Shqipërinë, u arrit me kontributin të gjithëve, edhe të të pasurve, pra edhe tonin, të socialistëve "jo të zakonshëm" sipas teje. Ishte një fitore e ndershme, bile shumë më e ndershme se përrallat e "luftës së proletariatit enverist pa asnjë qindarkë të xhep" që bën sikur i ëndërron e i beson ti. Turp për ty, që megjithëse pretendon se "betejën në vitin 2009 në Berat e ke drejtuar ti", mohon kontributin tim e të të pasurve të tjerë në këtë fitore, duke thënë me paturpësi "kurrë" kontributit të të pasurve. Këtu po bëj një parantezë. Kam qenë rreshtuar me PD- në në vitin 1990-' 91, kundër diktaturës komuniste enveriste që duhej rrëzuar. Të sqaroj se vija nga një rreth familjar komunist - mbase dhe më komunist se rrethi yt, or Erion - ku të afërm të mi, motra etj., kishin arritur në nivele të larta të strukturës së partisë- shtet komuniste, deri sekretarë partie rajoni apo anëtarë të komitetit qendror të rinisë komuniste ( PPSh). Në ato fillime, PD- ja ishte forca politike që bashkonte të gjithë popullin pa dallim, të varfër e të pasur, ish- të përndjekur e ish- komunistë, të gjithë të bashkuar kundër partisë komuniste shqiptare që po vazhdonte ta shtypte popullin shqiptar. Por kur pashë se PDja po shndërrohej në një parti neokomuniste berishiste, kalova te PS- ja, që e shoh si një parti evropiane që po e udhëheq politikisht shoqërinë shqiptare në drejtimin e duhur, sepse dëgjoj Edi Ramën e të tjerë socialistë evropianë, që dënojnë të dyja të këqijat e shoqërisë sonë, si të kaluarën me komunistët enveristë, ashtu edhe të tashmen me neokomunistët berishistë. Tani po u jap përgjigje edhe ca fjalëve që ti i lëshon poshtë e lart, duke sqaruar pak nga qëndrimet e mia në fushën e biznesit. Jam një ndër taksapaguesit më të rregullt të këtij vendi. Jam shqiptari i parë privat që hapa tregtinë e lirë me Kinën, që më 23 gusht 1992! Tani kam një pasuri mjaft të madhe, që më lejon të ndihmoj jo vetëm familjen time, por edhe shumë familje të tjera.

Sa për shpifjet që më bëri një person tjetër, njëkohësisht me ty e në unison me ty, për atë person do të kaloj kallëzimin përkatës në Prokurorinë e Rrethit Tiranë, që sot! Erion, thirri mendjes, lëri sloganet apo bindjet e tua (!?) komuniste, mundohu të transformohesh sa më shpejt, në fjalë e vepra, në një socialist evropian! E nëse vërtet do të kontribuosh për mbarëvajtjen e qeverisjes sonë, të PS- së, merr nën vëzhgim disa drejtori rajonale ku tenderat janë bërë pothuajse të gjithë me 100% fitim në favor të subjektit, dhe shumica klientelistë. Unë kam fakte, të ftoj që t'i shohim ato bashkë, dhe t'i çojmë po bashkë për hetim. Por ama ky veprim do guxim e ndershmëri edhe nga ti, sepse mbase humb favoret te kryeministri, dhe nuk i merr dot më ato fonde të padrejta të shproporcionalizuara që të dha ty kryeministri Rama për Divjakën etj. Pra, Erion të ftoj për punë konkrete, dhe jo vetëm për llafe koti. E fundit, që ta dinë lexuesit edhe këtë: Kreno-

het Arben Ahmetaj, "Braçen e kam mik", dhe nxirr fonde për Divjakën, 10 milionë $ për ty, se e bën mirë rolin e papagallit zotëria jote, Erion! Ndërsa unë s'marr dot 200 mijë dollarë për një urë në një fshat, që është shumë më e rëndësishme dhe më urgjente se ato investimet e tua në Divjakë. Sa i padrejtë që është ky diferencim nga kryeministri Rama! Vladimir Kosta Deputet socialist