Rëndohet bilanci i viktimave, 300 lëkundje të reja në Amatrice

Prokuroria nis hetimin: Skandal me fondet, s'u përdorën kurrë në qytetet e rrezikuara Arrin në 300 numri i të vdekurve, 200 persona të zhdukur

Rëndohet ora- orës bi lanci i viktimave në Italinë qendrore, e goditur nga tërmeti apokaliptik. Mendohet se janë rreth 300 persona që kanë mbetur të vdekur si dhe 264 të plagosur, ku shumë prej viktimave janë fëmijë. Rreth 200 persona vijojnë të deklarohen të humbur. Lot, britma gëzimi sapo dikush nxirret i gjallë nga rrënojat. Familjarë rrethojnë ndërtesat e shembura në pritje të një lajmi të mirë për të afërmin e zhdukur. Kjo është drama në zonat e prekura nga tërmeti në Italinë qendrore. Sipas mediave italiane, numri i viktimave është në rritje. Makthi vazhdon për banorët e Italisë qendrore. Lëkundje të tjera u regjistruan rreth orës 14: 40 në Amatrice, ku pati sërish rrëzime ndërtesash. "Që prej lëkundjeve të para që shkaktuan tragjedinë, janë regjistruar rreth 460 tronditje të tjera", raportojnë autoritetet e sizmologjisë. Më e forta ishte ajo e mëngjesit të sotëm, rreth orës 05: 00, me një magnitudë 4.5 të shkallës Rihter. Ndërkohë, brenda 24 orëve në këto zona ka pasur 300 lëkundje të reja. Mësohet se një lëkundje e re me magnitudë 4.5 ballë ka goditur Arquata- n dhe Accumoli- n, me thellësi 10 km, në orën 05: 17. Po dje, ka pasur lëkundje tërmeti 4.3 ballë në Accumoli dhe Amatrice. Disa ndërtesa të dëmtuara nga tërmeti i parë janë shembur sërish. Pluhuri është ringritur mbi zonën më të prekur nga tërmeti në Italinë qendrore. Zona që u godit nga tërmeti në Itali është shumë pranë L'Aquila- s, që u shkatërrua nga një tërmet i fortë në 2009- ën. Në këtë zonë ka shumë ndërtime historike, monumente kulture, të cilat janë rrënuar. Qeveria italiane, në bashkëpunim me Mbrojtjen Civile, ka vënë në dispozicion 965 milionë euro për restaurimin e ndërtesave publike sipas rregullave antisizmike. Megjithatë shumë nga këto fonde nuk janë kërkuar, edhe për shkak të burokracisë.