Pagesa e përshpejtuar, përfitojnë 4 pronarë

Agjencia e Trajtimit të Pronave bën të ditur se në 4 aplikime vendimet e të cilave përfitojnë kompensim financiar me kërkesë të veçantë, 2 aplikime, për 2 vendime ( përkatësisht të vitit 2005 dhe vitit 2006), me kërkesë të veçantë përfitojnë kompensim financiar në masën 20% të vlerës së kompensimit, duke hequr dorë nga pjesa tjetër e kësaj vlere. Vlera e përfituar si kompensim financiar për këto vendime do të përfitohet menjëherë. Sipërfaqja e kompensuar, e njohur me këto vendime, është 209.988 m2 ose 21 ha, e vlerësuar financiarisht 2.000 m2 tokë truall dhe 207.988 m2 ose 20.8 ha tokë bujqësore. Në një rast. për një vendim të vitit 1996, me kërkesë të veçantë përfiton kompensim financiar 30% të vlerës së kompensimit, duke hequr dorë nga pjesa tjetër e kësaj vlere. Vlera e përfituar si kompensim financiar për këtë vendim do të ndahet në 3 këste. nga 10% çdo vit. Në një tjetër vendim, sipërfaqja e kompensuar, e njohur me këtë vendim, është 169 m2, e vlerësuar financiarisht tokë truall. 1 aplikim, për një vendim të vitit 1999, me kërkesë të veçantë përfiton kompensim financiar 40% të vlerës së kompensimit, duke hequr dorë nga pjesa tjetër e kësaj vlere. Vlera e përfituar si kompensim financiar për këtë vendim do të ndahet në 5 këste, nga 8% çdo vit.