Grabitja në Durrës, përfundon në pranga edhe autori i tretë

Efektivë

të Komisariatit Nr. 4 në Tiranë kanë arrestuar autorin e tretë të grabitjes së një karburanti në Durrës. Në pranga u vu Bajram Kallmacaku, 20 vjeç, banues në Durrës. Ky person ka qenë i shpallur në kërkim, pasi më datë 9 janar të këtij viti, në afërsi të mbikalimit të "Fllakës", dyshohet se në bashkëpunim me dy persona të tjerë ka kryer grabitjen me dhunë të një pike karburanti, ku kanë marrë shumën monetare prej 65.000 lekësh. Sakaq, pas arrestimit, pritet transferimi i tij drejt Komisariatit të Shijakut për veprime të mëtejshme procedurale.