Bregu: Kryeministri hedh helm te kundërshtari politik

"Oferta" e Ramës dhe komplimentet e tij

Deputetja

e PD- së Majlinda Bregu nuk ishte e pran ishme në ditët e para të protestës së opozitës dhe ngritjes së çadrës para Kryeministrisë, për shkak të vizitës disaditore në SHBA. Megjithatë, ajo thotë se "në shesh ishte një protestues më pak, por një avokat më shumë". E ftuar në "E Diell", Bregu foli edhe për marrëdhënien e saj me kryeministrin Edi Rama. E pyetur nëse kreu i qeverisë i ka ofruar pozicionin e kryenegociatores së Shqipërisë në momentin që negociatat me BE- në do të fillonin, ajo u përgjigj: "Unë jo vetëm që nuk kam pasur as në mënyrë private as në mënyrë zyrtare, sigurisht, asnjë ofertë dhe asnjë propozim nga qeveria aktuale, por jam e bindur se mjeshtërinë e njohur tashmë të pjesës së hedhjes pak helm të kundërshtarit politik - dhe këtë pjesë Rama e përdor shumë mirë - nganjëherë janë më të gatshëm që nëpërmjet shprehjes së vlerësimeve të tentojnë të të bëjnë më shumë dëm, dhe në një ambient shqiptar kjo gjë s'është se nuk zë vend..." Ish- ministrja e Integrimit u pyet edhe për lëvdatat që kryeministri i ka bërë publikisht, madje edhe në prani të të huajve. "Nëse thotë ato që beson, bën shumë mirë në fakt. Unë nuk e shoh veten as mendjembyllur e as një nga njerëzit më pak të aftë të këtij vendi. Ky është një proces i një vetëvlerësimi që njeriu duhet ta bëjë për veten. Por të jesh i sigurt se nuk do t'i jap kënaqësinë asnjë ndërkombëtari përpara nesh që të na shohë me shpata apo me shkopinj nën duar vetëm për të treguar se sa të zotë jemi për të ruajtur gjithsecili sinorin e tij në politikë", - tha znj. Bregu.