Josa: Kur nuk fiton, duhet të evitosh humbjen
Barazimi
ndaj Flamurtarit duket se e ka mërzitur Mirel Josën. Trajneri i Tiranës pas ndeshjes u shpreh: "Skuadra hyri pak e mefshtë në fushë dhe problemi ishte te mesfusha, sepse mungonte qarkullimi i lojës dhe pasimi i shpejtë i topit. Megjithatë, loja erdhi në rritje dhe kaq mund të bënim sot, pasi edhe zgjedhjet ishin të kufizuara. Nuk u futëm në fushë për barazim, Tirana hyn në fushë për fitore, por kur nuk ke mundësi të fitosh, duhet të evitosh humbjen. Flamurtari, pavarësisht nga pozitat në renditje, ka shumë lojtarë cilësorë dhe mund ta ndryshojë shpejt lojën, ndaj kështu si shkoi ndeshja, një barazim më kënaq, në një ndeshje të barabartë. Stadiumi bosh? E kam thënë gjithnjë që na duhen tifozët, sepse e kemi tepër të vështirë pa ta, por janë lojtarët ata që duhet t'i rifitojnë tifozët."