Shorti, PD ultimatum Ruçit: Ndërprit procedurat, po shkel Kushtetutën!
Zbardhet lista, cilët janë kandidatët për Këshillin e Emërimeve në Drejtësi LSI: Procesi është i pavlefshëm ligjërisht
Gjykata Kushtetuese, Gjykata e Lartë, Prokuroria e Përgjithshme dhe Këshilli i Lartë i Drejtësisë kanë dërguar emrat e kandidatëve për shortin që do të hidhet sot për të përcaktuar anëtarët e Këshillit të Emërimeve në Drejtësi. Shorti do të hidhet nën drejtimin e nënkryetares së Kuvendit, Vasilika Hysi. Por opozita e kundërshton, duke kërkuar ndërprerjen e menjëhershme të procedurave si shkelje të Kushtetutës për zgjedhjen e kandidatëve nga institucionet kryesore të drejtësisë, Gjykata e Lartë, Gjykata Kushtetuese, Gjykata e Apelit dhe Gjykata Administrative si dhe Prokuroria. Me anë të një letre drejtuar kreut të Kuvendit, Ruçi, kryetari i grupit të PD- së Edmond Spaho akuzon se kryetari i Kuvendit po shkel Kushtetutën me shortin e Këshillit të Emërimeve në Drejtësi. "Gramoz Ruçi po realizon procesin në boshllëk ligjor. Ai po bën ndërhyrje në kompetencat institucioneve të pavarura dhe po u dikton institucioneve të pavarura vullnetin e PS", thuhet në reagimin e PD- së. "Konkluzioni i parë është se kryetari i Kuvendit ka vepruar në kundërshtim flagrant me kompetencën kushtetuese dhe ligjore duke, u diktuar organeve të pavarurave zbatimin e deformuar të ligjit. Kryetari i Kuvendit u ka kërkuar institucioneve, Këshillit të Lartë të Drejtësisë, Prokurorit të Përgjithshëm, Gjykatës Kushtetuese dhe Gjykatës së Lartë të hartojnë listat e kandidatëve për KED, duke u bazuar tek neni i Kushtetutës, që përcakton masën disiplinore si kriter të vetëm për kandidatët. Kryetari i Kuvendit ka shmangur kriteret ligjore, të zbatuara për shortin e janarit 2017 nga të gjitha institucionet e pavarura. Ligji përcakton 8 kritere për kandidatët, duke rritur cilësinë e tyre. Mes kritereve është edhe përfundimi i Shkollës së Magjistraturës", thuhet në letrën e PD- së. Më tej në letër citohet: "Ndryshimi i paligjshëm i rregullave të lojës në mes të procesit është i papranueshëm dhe në kundërshtim me parimin e shtetit të së drejtës. Ndryshimi i këtyre rregullave, për shkak të përshtatjes me vullnetin e njëanshëm të mazhoracës, përbën haptazi tentativë për të ndikuar në përbërjen e KED- së, me qëllimin final, garantimin e kontrollit politik nga mazhoranca mbi këtë organ të pavarur kushtetues dhe nëpërmjet tij në Gjykatën Kushtetuese dhe Inspektoratin e Lartë të Drejtësisë". Në letrën për kryetarin e Kuvendit, që i drejtohet edhe presidentit, institucioneve të përfshira në proces dhe ambasadorëve, theksohet se: "Qëllimit të kapjes së drejtësisë i shërben edhe mungesa e plotë e transparencës. Kuvendi nuk ka bërë publik, si herën e shkuar, korrespondencën me Presidentin e Republikës dhe institucionet e pavarura, si dhe nuk keni publikuar apo njoftuar listën e kandidatëve që do të përfshihen në short. "Konkluzioni i dytë është se procesi i nisur nga Kryetari i Kuvendit po kryhet në boshllëk kushtetues dhe ligjor, sepse në mungesë të Këshillit të Lartë Gjyqësor ( KLGJ) dhe Këshillit të Lartë të Prokurorisë ( KLP), po përdoret dispozita tranzitore, që kanë humbur fuqinë e Kuvendi hedh sot shortin për 9 anëtarët e Këshillit të Emërimeve në Drejtësi, ( KED). Ata do të zëvendësojnë anëtarët e Këshillit të Përkohshëm të Emërimeve në Drejtësi. Ata janë 2 nga Gjykata Kushtetuese, 1 nga Gjykata e Lartë, 1 nga Prokuroria e Përgjithshme, 2 gjyqtarë dhe 2 prokurorë nga Apeli dhe 1 gjyqtar nga Gjykata Administrative. tyre. KED e Përkohshme u zgjodh në janar 2017 sipas dispozitës kalimtare dhe kjo dispozitë nuk mund të bëhet rregull i përgjithshëm".
LSI
Pas PD- së, edhe LSI kundërshtoi shortin për 9 anëtarët e Këshillit të Emëri- meve në Drejtësi, ( KED). Kreu i grupit parlamentar të LSI, Petrit Vasili i dërgoi një letër kreut të Kuvendit, Gramoz Ruçi sipas të cilit procesi është i pavlefshëm ligjërisht, pasi duhet të bazohet në kritere ligjore. "Grupi parlamentar i LSI nuk mund të bëhet pjesë e procesi përzgjedhës të Këshillit të Emërimeve në Drejtësi, i cili po zhvillohet me procedura aspak ligjore dhe bazuar në kritere, të cilat janë në kundërshtim me kërkesat e ligjit nr. 115/ 2016 ' për organet e qeverisjes në sistemin e drejtësisë'. Sipas LSI, ky proces bazohet në kandidatura që janë siguruar nga institucione që ligji nuk ia njeh të drejtën për t'i përzgjedhur dhe askush përveç ligjit nuk mund t'ua ngarkojë këtë detyrë. Ky proces po ndërtohet bazuar në urdhra dhe vullnetin e kryetarit të Kuvendit, ndërkohë që Kushtetuta dikton se kriteret përcaktohen në ligj. Nuk ekziston asnjë dispozitë ligjore dhe kushtetuese që zgjidh situatën e krijuar në mungesë të institucioneve të KLGJ dhe KLP. Kriteret kualifikuese të kandidatëve që pretendohet të marrin pjesë në short për zgjedhjen e KEDsë nuk janë kriteret që kërkon ligji nr. 115/ 2016, neni 221. Kandidatëve që nuk përfshihen në listën për short u është mohuar faktikisht e drejta për t'u ankuar. Për këto arsye e shumë të tjera, i gjithë procesi jo vetëm që është një proces ' nul' dhe antikushtetues, por e gjithë veprimtaria e kujtdo në lidhje me të është e dënueshme moralisht nga populli, por edhe ligjërisht nga Kodi Penal".