2.5 tonë drogë drejt Italisë, në pranga 7 persona
Prokuroria: Zyrtarët, favorizuan grupin kriminal për transportimin e kanabisit drejt Ankonas Zbardhet skema, mes të arrestuarve 3 policë dhe 2 doganierë
Kalimi i kamionit me 2.5 tonë drogë në ja nar të këtij viti nga porti i Durrësit drejt Italisë ka çuar në pranga 7 persona, mes të cilëve tre punonjës policie, një doganier dhe një agjent doganor. Pas arrestimit të nënkomisarit të policisë së Fierit, Festim Lelaj, me urdhër të Prokurorisë për Krime të Rënda u ndaluan ditën e djeshme dy efektivë të drejtorisë së Kufirit dhe Migracionit në Durrës Gëzim Dervishi dhe Agron Kapllani. Gjithashtu, të dyshuar për bashkëpunim me këtë grup, janë dhe doganieri Altin Katundi dhe agjenti doganor Mikail Hila, të cilët janë vënë nën arrest. Sipas prokurorisë, zyrtarët kanë favorizuar grupin kriminal për transportimin e sasisë prej 2.5 tonë drogë drejt Ankonas në janar të këtij viti. Sakaq Policia e Shtetit, në koordinim me zyrën ndërlidhëse të policisë italiane "Interforza" në Tiranë, ka zbardhur dinamikën e plotë të ngjarjes ku u lejua kalimi i 2.5 tonë drogë nga porti i Durrësit.
TË ARRESTUARIT
Policia e Shtetit jep detaje për grupin e të arrestuarve, të cilët dyshohet se lejuan kalimin e një kamioni me 2.5 tonë drogë në Ankona, Itali. Bëhet me dije se më datë 13.01.2017 nga ana e Zyrës Ndërlidhëse të Policisë Italiane "INTERFORZA" në Tiranë, është informuar Drejtoria e Përgjithshme e Policisë së Shtetit, mbi sekuestrimin e një sasie prej 2 tonë e 530 kg lëndë e dys-
huar e llojit "Cannabis Sativa" me datë 11.01.2017 në portin e Ankonas në Itali. Kjo sasi ishte e ngarkuar në kamionin "MAN", me targa AA 846 GJ dhe AER 357, me drejtues shtetasin shqiptar Dhimo Koraj, 47 vjeç, lindur në Fier e banues në Gjirokastër.
Mësohet se ky kamion më datë 09.01.2017 është nisur nga porti i Durrësit me tragetin M/ N AF MARINA me destinacion Durrës- Bari. Policia italiane ka arrestuar në flagrancë shtetasin shqiptar Dhimo Koraj, i cili shoqëronte kamionin në Portin e Ankonas, ndërsa në listën e pasagjerëve figuronte si shofer i këtij kamioni i nisur nga Durrësi më datë 09.01.2017, shtetasi Demo Progonati, 46 vjeç, lindur në Progonat dhe banues në Fier. Në bazë të informacionit të sjellë nga pala italiane, Drejtoria për Hetimin e Narkotikëve dhe Trafiqeve në Policinë e Shtetit ka bërë regjistrimin e procedimit penal Nr. 12, datë 13.01.2017 në Prokurorinë e Krimeve të Rënda dhe në vazhdën e ve- primeve hetimore të kryera nga Policia e Shtetit nën drejtimin e Prokurorisë së Krimeve të Rënda, deri me tani janë arrestuar në kuadër të këtij procedimi 7 shtetas. Konkretisht më datë 04.12.2017, u ndaluan shtetasit Skënder Siqeca, 53 vjeç dhe Arbi Mustafa, 34 vjeç, banues në Vlorë, për veprën penale "Trafikimi i narkotikëve e kryer në bashkëpunim"; më datë 05.12.2017, u ndalua shtetasi Agron Kapllani, 51 vjeç, banues në Durrës, ish- punonjës policie, trup shërbimi, sho- qërues qeni në Portin e Durrësit, për veprën penale të "Trafikimi i narkotikëve", kryer në bashkëpunim; më datë 05.12.2017, u ndalua shtetasi Gëzim Dervishi, 59 vjeç, banues në Durrës, ishspecialist në trajtimin e qenve të shërbimit në Stacio- nin e Policisë Kufitare Durrës, në për veprën penale të "Trafikimi i narkotikëve", kryer në bashkëpunim; · më datë 05.12.2017, u ndalua nga SH. Ç. B. A, shtetasi Festim Lelaj, 47 vjeç, specialist për Hetimin e Krimeve në Komisariatin e Policisë Fier; më datë 06.12.2017, u ndalua shtetasi Altin Katundi, 50 vjeç, lindur e banues në Tiranë, me detyrë doganier në portin e Durrësit; më datë 06.12.2017, u ndalua shtetasi në kërkim Mikail Hila, 28 vjeç, banues në Tiranë, për kryerjen e veprës penale "Trafikimi i narkotikëve", e kryer në bashkëpunim. Po në kuadër të këtij procedimi janë arrestuar më parë edhe 4 shtetas të tjerë. Konkretisht më datë 15.01.2017, u ndalua shtetasi në kërkim Demo Progonati, 46 vjeç, banues në Tiranë, për veprën penale "Trafikimi i narkotikëve në bashkëpunim"; më datë 07.06.2017, u ndalua shtetasi në kërkim Euron Hoti, 35 vjeç, banues në Lezhë, për veprën penale "Trafikimi i narkotikeve"; më datë 21.06.2017, u ndalua shtetasi Malton Lleshi, 34 vjeç, banues në Tiranë, për veprën penale "Trafikimi i narkotikëve e kryer në bashkëpunim"; më datë 28.11.2017, u ndalua shtetasi në kërkim Aurel Lazaj, 32 vjeç, banues në Vlorë. Në lidhje me këtë rast trafiku të lëndëve narkotike, Drejtoria për Hetimin e Narkotikëve dhe Trafiqeve në Policinë e Shtetit nën drejtimin e Prokurorisë për Krimet e Rënda vijojnë hetimet për zbardhjen dhe dokumentimin e plotë, duke çuar para drejtësisë të gjithë personat e implikuar.