Armë dhe drogë në përrua, në kërkim dy poseduesit

MEMALIAJ - Efektivët e Drejtorisë së Policisë së Qarkut të Gjirokastrës kanë gjetur dhe sekuestruar kanabis dhe armë zjarri në fshatin Zhapokikë të Memasliajt. Pas informacioneve të siguruara në rrugë operative se dy persona ( emrat e të cilëve nuk bëhen me dije për arsye hetimore, po transportonin armë e drogë në një përrua me qëllim fshehjen e tyre, policia ka ushtruar kontroll në vendin e quajtur "Përroi i Madh", në fshatin Zhapokikë. Gjatë kontrollit u gjetën të fshehura në një zone me shkurre 4 armë zjarri dhe dy krehër me fishekë si dhe 5 kg kanabis sativa në një qese të zezë. Blutë po punojnë për zbardhjen e plotë të kësaj veprimtarie kriminale si dhe për kapjen e autorëve.