Ahmetaj në Shkodër: Shumë shpejt, dy lehtësi të reja fiskale për biznesin
Qeveria mbetet e angazhuar për lehtësimin e sipërmarrjes dhe shumë shpejt do të prezantohen dy lehtësi të reja fiskale. Ministri i Financave dhe Ekonomisë, Arben Ahmetaj bashkëbisedoi me biznese të vegla në Shkodër, ku theksoi se "me iniciativë të kryeministrit, javën që vjen bëhen edhe dy vlerësime të rëndësishme fiskale, një për industrinë elektro- energjetike për fotovoltaiket, ku TVSH për makineritë dhe pajisjet bëhet 0 dhe një tjetër për shoqëritë e bashkëpunimit bujqësor, ku nëpërmjet instrumentit fiskal dhe procedural do të trajtohet një ndërmarrje bujqësore si një fermer, pa ngarkesë TVSH- je". Duke u ndalur në informimin dhe komunikimin për uljen e pragut të TVSH- së, ministri theksoi edhe një herë faktin që "nuk do të ketë gjoba për biznesin e vogël, për deklarim të gabuar, nuk ka kosto administrative, nuk ka rritje çmimesh dhe ne do të vazhdojmë t'i mbajmë taksat e ulura dhe 0 për biznesin e vogël". Ahmetaj tha se qytetarët dhe bizneset do të mund ta kuptojnë shumë shpejt në kohë që qeveria ka bërë gjënë e duhur, së bashku dhe në favor të sipërmarrjes së vogël dhe këto procedura janë një normalitet ekonomik e tatimor dhe nuk bëhet fjalë për një taksë të re. Duke komentuar protestën e bizneseve që ulën qepenat, Ahmetaj tha: "Personalisht e ndoqa atë ditë, demek të mbylljes së qepenave dhe falënderoj të gjithë qytetarët, përfaqësues të sipërmarrjes së vogël që refuzuan ta politizojnë merakun e tyre dhe vazhduan punën”.