Sergei Stanishev: PD të jetë konstruktive, të lerë bojkotin

Taulant Balla takon presidentin e PES

Presidentin

i Partive Socialiste Europiane, Sergei Stanishev i sugjeroi opozitës shqiptare të ndalë bojkotin dhe të bëhet bashkëpunuese për çështjet e integrimit të Shqipërisë. Në një takim me kreun e Grupit Parlamentar të PS- së, Taulant Balla, Stanishev u shpreh: "Sigurisht duhet të vazhdohet me reformat shumë serioze që janë ndërmarrë, sepse qeveria e Edi Ramës, mazhoranca në parlament, kanë ndërmarrë reforma të rëndësishme, siç është reforma në drejtësi dhe kam bindjen se procesi i vetingut po ecën mirë, në mënyrë transparente dhe po rinovon sistemin, duke kthyer besimin tek sistemi, dhe kjo është shumë e rëndësishme". "Dëshiroj t'i drejtohem edhe opozitës, Partisë Demokra- tike në veçanti, në lidhje me bojkotin e tyre. Anëtarësimi i Shqipërisë në Bashkimin Europian është një çështje kombëtare, ky anëtarësim nuk i shërben vetëm qeverisë së Edi Ramës, por i shërben çdo shqiptari dhe ka gjëra që duhen bërë, me përpjekje të përbashkëta të mazhorancës dhe të opozitës. Ndaj, pres që ata të jenë konstruktiv në këtë aspekt dhe dëshiroj t'i kujtoj që Këshilli Europian i kërkoi opozitës të lërë bojkotin dhe të mos rrijë jashtë parlamentit, sepse gjithsesi ju duhet një parlament konstruktiv, legji- tim dhe funksional",- tha Stanishev.