Anjeza Branka: “Dashurinë e mbaj për vete, se njerëzit janë bërë ujqër!”

Intervista - - JAVA VIP -

Anjeza Branka bën pjesë ndër femrat e shou bizzit që mbajnë partnerë të qëndrueshëm. Së paku ata, të deklaruarit, numërohen me gishta, babai i djalit Leanzos dhe partneri i fundit, një menaxher në fushën e muzikës që pas ndarjes me Anjezën, pati një histori me këngëtaren nga Shkupi,Adelina Tahiri, një histori që u mbyll në shumë pak kohë. Lidhur me këtë Anjeza mbajti një qëndrim shumë indiferent duke mos shfaqur asnjë keqardhje. Në fakt, keqardhja dhe Anjeza nuk kanë shumë të përbashkëta mes tyre pasi nga vetë natyra, këngëtarja na lë të kuptojmë vajzën tipike moskokëçarëse. Por, ajo që na thotë vetë ajo në një koment rreth një kënge për dashurinë, na zbulon se ndoshta nuk e kemi njohur edhe aq mirë. Pas publikimit të këngës në fjalë të koleges së saj, Barbanës (këndojnë që të dyja në të njëjtin ambient), Juna një nga ish-banoret e edicionit të parë të Big Brother Albania, e “thumbon” duke i thënë se vetëm Anjeza nuk kishte lidhje me dashurinë, por përgjigjja që pason më pas, na bën të mendohemi. “E ke gabim zemra... unë kam një botë me dashuri, por e mbaj për vete. S’ke faj, se s’më ka bërë njeri që ta shfaq, se gjithë njerëzimi janë bërë ujqër” dhe duhet thënë se edhe shumë gabim nuk e ka. Urojmë sidoqoftë që edhe për Anjezën të ekzistojë personi i duhur që ta bëjë të shprehë dashurinë e vërtetë.

Newspapers in Albanian

Newspapers from Albania

© PressReader. All rights reserved.