14 sëmundje të rralla

Intervista - - SHENDET -

Shkenca dhe shpikjet e saj kanë ndryshuar botën dhe shkenca e mjekësisë ka ndryshuar mënyrën tonë të jetesës. Megjithatë, shkencëtarët janë duke bërë zbulime për trupin njerëzor çdo ditë dhe ka ende shumë gjëra për të zbuluar. Ja disa sëmundje të rralla, por ekzistuese, me të cilat përballen njerëzit sot.

Sindroma e Dorës Aliene, e njohur edhe me emrin Sindroma e Dashurisë së çuditshme (Strangelove Syndrome), është një sëmundje, në të cilën, dora e personit vepron në mënyrë të pavarur nga ai vetë. Ata që vuajnë prej saj, mund të marrin dhe mbajnë në dorë objekte pa e dëshiruar ata vetë, ose pa mundur të kontrollojnë dorën e tyre. Sindroma, e cila u zbulua për herë të parë në vitin 1909, është shumë e rrallë dhe për të nuk ka asnjë kurë. është pasqyruar edhe në filmin Dr Strangelove, ku personazhi i interpretuar nga Piter Sellers, vuante nga kjo sindromë.

Ajo karakterizohet nga një ndryshim i papritur dhe dramatik në zërin e personit, duke e bërë atë të duket sikur flet me një theks të huaj. Deri më sot njihen 100 raste të kësaj sindrome. Një shembull i njohur është ai i vitit 1941, kur një grua norvegjeze filloi të fliste me një theks të fortë gjerman, pasi u plagos gjatë një sulmi ajror. 3. Sindroma e njeriut-pemë Një rast i njohur është ai i Dede Kosvarës. është një mutacion i rrallë gjenetik që shkakton rritjen e pakontrolluar të lezeve dhe mungesën e qelizave të bardha. Kështu, lezet rriten në gjymtyrë, derisa ato marrin pamjen e degëve dhe rrënjëve të pemëve (prej nga vjen edhe emri). Nuk ka ende trajtim për të.

Emri i kësaj sindrome vjen nga libri për fëmijë i vitit 1865, në të cilin Liza pëson një zvogëlim dhe zmadhim magjik. Një pacient që vuan nga kjo sindromë ka një perceptim të shtrembëruar të dimensioneve dhe formave. Ai mendon se gjërat janë më të vogla, më të mëdha, më afër, ose më larg sesa janë në realitet. Kjo gjë mund të shkaktojë një çorientim akut dhe të ndikojnë në shqisat e prekjes dhe dëgjimit të pacientit.

Këtë sindromë e zbuloi neurologu francez, Zhyl Kotar, në vitin 1880, prandaj ajo njihet edhe me emrin sindroma e Kotarit. Personi që vuan prej saj beson se ka vdekur dhe ndërpret të ngrënin, të larën dhe ka raste që shkon të jetojë në varreza. Kjo sindromë është shumë e rrallë, por ka pacientë që besojnë se po u kalbet trupi, ose që kanë humbur pjesë të tij.

Rritja jonormale e qimeve në trup njihet si hypertrichosis lanuginosa, ose sindroma e njeriut-ujk. Ka dy forma të kësaj sindrome: Forma e lindur (ose e trashëguar) dhe e fituar. Nuk ka ndonjë kurë për sindromën, por sasia e qimeve mund të reduktohet me trajtimin me lazer. Në foto është Hezus Fahardo, në Zapopan, Meksikë. Ai filloi të punonte në një cirk në moshën 13 vjeçare, por pas 20 vjetësh e la punën dhe tani punon si marangoz.

(Vazhdon javen tjeter)

Newspapers in Albanian

Newspapers from Albania

© PressReader. All rights reserved.