MEDIU NË GREQI: S’MUND TA LËMË VENDIN NË DUART E RAMËS DHE METËS

Kreu i PR- së, Fatmir Mediu, u ka kërkuar emigrantëve shqiptarë në Athinë të marrin pjesë në zgjedhjet e ardhshme, në mënyrë që të rrëzojnë Edi Ramën nga pushteti. “E vërteta është se të ardhmen tonë s’mund ta lëmë peng të asnjë politikani, të asnjë qeverie, për më tepër të Ramës dhe Metës, të maxhorancës pazare që ka marrë peng Shqipërinë, që shan pa fund, fyen pa fund. Që ka sjellë pasigurinë, krimin, drogën, kanabisin, një injorancë në qeverisje që bën ato veprime, korrupsionin e lartë, duke na lënë jashtë dyerve të Bashkimit Europian”, u shpreh Mediu.