“Pirja e gjakut, shaka e zezë e Ramës”
Kryetari i Grupit Parlamentar të LSI- së e cilësoi shaka të zezë batutën e Edi Ramës për pirje të gjakut të popullit nga ana e politikanëve. “Pirja e gjakut, shaka e zezë e Kryeministrit. Humor i trashë apo humor i zi kur Kryeministri thotë për veten dhe të tijtë se ‘ u kanë pirë gjakun popullit’?! Pohim i sinqertë i Kryeministrit, kjo është përgjigjja. Pasi koncesionet qindra miliona euro janë pirje gjaku. Edhe dhjetra miliona euro për zyra dhe vanitete të tjera janë pirje gjaku. Sa për humorin, edhe stilistikisht është i trashë, si shkollëpaku dhe i zi, si pirje gjaku”, shkruan Vasili në Facebook. Gjatë mbledhjes së Grupit Parlamentar të PS-së, Kryeministri Edi Rama ftoi ministrat të dhurojnë gjak. Duke përdorur metaforën, Rama tha se kjo do të ndihmojë në imazhin e politikanit nga njerëz që pijnë gjak, në njerëz që japin gjak.