Porto: Do ta denoncojmë Benfikën
Nuk kishte se si të vononte paralajmërimi për t'i shpallur luftë Benfikës nga ana e Portos. Drejtori i komunikacionit në klubin e "dragonjve", Francisko Markues, ka reaguar menjëherë pas lajmit në fjalë, me deklaratën e tij, e cila është zbardhur nga e përditshmja vendase "O Jogo". "Kam kontaktuar me atë që mendohet se ka stiluar këtë listë, konkretisht me Martin Ud, një prej përgjegjësve ligjorë të së përditshmes angleze ' Daily Mail', i cili mohon kategorikisht se kjo listë është pjesë e një prej lajmeve apo hetimeve o sondazheve të tyre. Do të kontaktojmë të gjitha skuadrat e përfshira, për të mësuar se çfarë do të bëjnë. Do të telefonojmë Marsejën dhe Juventusin. Do të bëjmë gjithçka për të hedhur në erë gënjeshtrat e vëna në vitrinë nga Benfika. Një televizion nuk mund të thotë se Porto është klubi i tretë më i korruptuar në Europë, nëse ' Daily Mail' mohon ta ketë bërë këtë renditje".