Raporti i FMN, Basha jep alarmin: Vendi po shkon drejt krizës financiare
“Rilindja urbane, shpërdorim i madh i parave të shqiptarëve pa asnjë përfitim. Ka harxhuar miliarda dollarë për fasadat”
Kryetari i opozitës, Lulzim Basha, raportin e fundit të Fondit Monetar Ndërkombëtar për Shqipërinë e sheh si një paralajmërim për krizën ekonomike, me të cilën rrezikon të përballet vendi.
Në një dalje për mediat lidhur me raportin e FMN- së, Basha akuzoi qeverinë për dështimin në ekonomi dhe për rritjen e borxhit publik. “FMN- ja ka lëshuar një mesazh të qartë se gjendja ekonomike e Shqipërisë do të keqësohet edhe më keq në të ardhmen. Mbarimi i TAPit dhe Devollit, investime të siguruara nga qeverisja demokrate do ta thajnë ekonominë nga financimet e huaja, që janë të domosdoshme për të krijuar punësim, mirëqenie dhe për të rritur ekonominë dhe kjo qeveri nuk ka siguruar fare investime të huaja të reja për ekonominë. FMN- ja e thotë qartë, mbarimi i këtyre dy investimeve do të sjellë rënien ekonomike. FMN- ja i bie alarmit se borxhi ka arritur një rekord të papërballueshëm, gati 72 % e prodhimit të vendit. Madje, në këtë borxh nuk përfshihet borxhi i fshehur përmes PPPve, i cili e rrit nivelin edhe me 10 pikë të tjera, duke çuar borxhin real në 82% të prodhimit të vendit. Ky nivel i lartë i borxhit është i rrezikshëm për ekonominë shqiptare dhe mund ta çojë vendin drejt krizës financiare”, deklaroi Basha. RILINDJA URBANE Për kreun e opozitës, projekti i rilindjes urbane nga qeveria ishte shpërdorimi më i madh që u është bërë parave të shqiptarëve, pa sjellë asnjë lloj përfitimi për ta. Gjithashtuu kreu i PD- së ka sjellë në vëmendje alarmin që FMN- ja jep për PPT- të dhe dështimin e reformës në sektorin energjetik.” Miliarda dollarë ka harxhuar kjo qeveri për fasada dhe investime në zyra, të cilat vetëm harxhojnë para dhe nuk sjellin asgjë të mirë në ekonomi, nuk sjellin asnjë vlerë në mirëqenien e qytetarëve. Rilindja urbane ka qenë një shpërdorim i madh i parave të shqiptarëve pa asnjë përfitim. Prandaj, FMN- ja bën thirrje që duhet të vendosen prioritete të qarta se ku duhet të harxhohen paratë e shqiptarëve. Raporti i FMN- së demaskon edhe një propagandë tjetër mash- truese të qeverisë; reformën në sektorin e energjisë. FMNja e thotë hapur: reformat në sektorin e energjisë janë dështim dhe kërkon përmirësime urgjente. Qindra milionë dollarë të harxhuara në sektorin e energjisë kanë shkuar dëm, janë shpërdoruar. OSHEE- ja është një ndërmarrje e korruptuar e vënë në shërbim të klientëve të qeverisë, që vje- dhin me kontrata dhe tenderë paratë e shqiptarëve. FMN- ja rithekson edhe njëherë rrezikun e madh të PPP- ve. Një kërcënim i jashtëzakonshëm, për të cilin opozita, Partia Demokratike, i ka rënë e para alarmit kombëtar. FMN- ja bën thirrje për ndalimin e menjëhershëm të PPP- ve me kërkesa nga privatë”, thekson kreu i PD- së.