"Pipita" eviton "lamtumirën" me skuadrën
Kryebashkiaku i Napolit akuzon: Gonzalo Higuain na tradhtoi
Tani gjithçka po shkon drejt zyrtarizimit. "Agonia" e tifozëve të Napolit po shkon drejt fundit pasi Gonzalo Higuain do të zyrtarizohet te Juventusi ditën e sotme ose atë të nesërme.
Mediat italiane kanë bërë me dije se sulmuesi argjentinas nuk i është përgjigjur thirrjes së skuadrës të Napolit për t'u paraqitur në Dimaro, atje ku kampanët po zhvillojnë përgatitjet për sezonin e ri. Ky është vetëm gjesti i fundit i lojtarit që po ndahet me atë që sot mund të konsiderohet si ishskuadra e tij. Ditën e sotme, Marota do të takohet edhe një herë me krerët e Napolit për t'i pyetur për herë të fundit nëse duan që t'i paguhet klauzola e plotë apo nëse do të ketë edhe shkëmbime lojtarësh. Pas këtij takimi, Higuain do të sinjalizohet dhe vetëm atëherë do të niset drejt Italisë.
Si të mos mungonin tifozët apo presidenti i Napolit, situatën e ka "ndezur" edhe qytetari i parë i Napolit. "Kjo është një nga ato gjërat që nuk duhet të ndodhnin kurrë. Unë përpara logjikës vendos zemrën dhe i jap të drejtë Maradonës. Në futbollin e ditëve të sotme kanë rëndësi vetëm paratë. Ajo e Higuainit ishte një tradhti e madhe", tha Luixhi De Maestrits.