Radas dhe Mustafa, me probleme
Mungesat e vetme për trajnerin bardhekuq kanë qenë pikërisht Marko Radas, i cili do të vijojë edhe disa ditë të qëndrojë jashtë grupit me seanca individuale stërvitore për t'u bashkuar ndoshta ditën e premte me skuadrën, ndërsa është e sigurt se do të jetë mungesë për ndeshjen e kësaj jave me Vllazinë dhe mund të kthehet vetëm ndaj Teutës, në javën e 6-të të kampionatit që do të luhet sërish në Korçë. Nga ana tjetër, ka munguar edhe Mustafa. Mesfushori është duke qëndruar veçmas grupit pas dëmtimit të pësuar në ndeshjen kundër Luftëtarit. Duket thuajse e pamundur që ai të jetë gati për ndeshjen e radhës.