"Donim të shihnim nga afër Lionel Mesin"

Trajneri i Borusia Mynshengladbahut, Andre Shubert, ka konfirmuar diferencat mes dy ekipeve gjatë konferencës së djeshme për shtyp, duke shpresuar në një paraqitje dinjitoze, pa pasur rëndësi te rezultati. "Ne jemi të vetëdijshëm që nuk mund të rivalizojmë me klube të tilla. Sigurisht që do hyjmë në fushë për të marrë pikë, pasi luajmë në shtëpi. Më vjen keq që mungon Lionel Mesi, pasi do kishim mundësinë për të parë nga afër magjinë e futbollistit më të mirë në botë. U kam kërkuar futbollistëve që të mos ndihen në presion, pasi nuk është kjo ndeshja që jemi të detyruar të fitojmë", deklaroi Shubert.