Sandërlend
Xhek Roduell është shndërruar në një "mace të zezë" për ekipin e tij. Mesfushori nuk ka shijuar dot asnjë fitore, sa herë që ka luajtur si titullar me Sandërlendin. Në plot 32 takime që ai e ka nisur nga minuta e parë, bilanci është shumë negativ, prej 15 barazimesh dhe 17 humbjesh. Tashmë tifozët kanë nisur të bëjnë ironi në rrjete sociale, duke e cilësuar fatin e ndeshjes të paracaktuar, nëse anglezi do jetë titullar. Gjithsesi, "ters" ka qenë edhe Garet Bejl te Totenhemi para se të shpërthente. Ishin 22 ndeshje që ai luajti si titullar për dy vite e tetë muaj dhe nuk fitoi dot asnjë.