Milani e mbyll kampionatin aty ku është
ë dyja skuadrat duhet të fitonin dhe provuan ta bënin këtë gjë, ndaj asnjëra nuk është e kënaqur me barazimin. Ndaj Torinos, Bertolaçi më pëlqeu shumë dhe ishte ndeshja që më ka bindur totalisht. Luante si mesfushor i brendshëm, por shkonte shpesh në zonë për të ndihmuar Bakën. Beloti është një lojtar i jashtëzakonshëm dhe vuri në vështirësi të gjithë repartin e Milanit. Ai përmirësohet nga ndeshja në ndeshje dhe gjatë kësaj kohe po kap vlerën që Torino i ka vënë në merkato. Ngjason shumë me Shevçenkon, i cili nuk përdorte forcë, por taktikë dhe teknikë. Ai bëri që Paleta të rrezikonte shumë herë në pjesën e parë duke bërë presing lart drejt Obit. Edhe Romanjoli nuk bëri një ndeshje të mirë dhe ishte i pasigurt që në fillim. Ai thuajse nuk fitoi asnjë duel me Belotin dhe ishte në vështirësi kur sulmuesi i Torinos merrte topa vertikalë. Madje, nuk më pëlqeu aspak protesta e tij për kartonin e kuq. Ishte diçka e dukshme dhe dua të them se nuk bëri ndeshje pozitive. Reparti i sulmit të Milanit ishte në një ditë jo shumë të mirë, pasi Baka lëvizte shpeshherë dhe nuk shërbehej nga shokët e skuadrës. Kjo do të thotë se mes tyre nuk ka pasur marrëveshje në shumë raste. Kjo është diçka që duhet rregulluar shumë shpejt për të pasur rezultate pozitive. Në minutat e fundit, edhe trajneri mund të kishte bërë zgjedhje më të mira, pasi Lapadula mendoj se do të ishte më i vlefshëm sesa Niangu. Nga ndeshja që pashë, kuptova që Milani mund ta përfundojë kampionatin në pozicionin që është tani. Tri skuadrat e mësipërme janë shumë të forta dhe cilësisht më të mira. Pas një fillimi shumë të mirë, mendoj që Milani po vazhdon të përmirësohet dhe do ta mbyllë kampionatin mirë. Vazhdoj të mendoj që Milani është një skuadër në rritje, por ka përballë skuadra të forta. Kuqezinjtë e shohin Interin si një stimul për të arritur sa më larg dhe këta të fundit duhet të bëjnë më shumë.