Ja prapaskenat me Deulofeun, Galiani: Jemi duke biseduar
Objektivi i madh i Milanit në këtë merkato quhet Xherard Deulofeu. Gjatë këtyre ditëve, kuqezinjtë kanë pasur kontakte të shumta me drejtuesit e Evertonit, por dje është zbuluar se një nga pengesat e mëdha të transferimit të tij në Milano është klauzola që ka me Barcelonën. Milani mund ta transferojë mesfushorin thjesht si huazim, pa asnjë detyrim dhe pa asnjë të drejtë. Kjo do të thotë se Evertoni nuk ne ka të drejtën për të marrë vendime përfundimtare për shitjen e lojtarit. Ky është ekskluzivitet i Barcelonës. Megjithatë, Galiani është optimist dhe ka thënë se bisedimet po vazhdojnë. "Duhet kohë. Jemi duke biseduar për transferimin e tij. Soza? Bashkë me trajnerin kemi vendosur që të qëndrojë te Milani. Ai nuk do të largohet", ka thënë administratori i skuadrës kuqezi.