Merkato

Ideja e Milanit të ri është ajo e përforcimit të skuadrës me 3 lojtarë "big" në çdo repart. Pra, do të vijnë një mbrojtës, një mesfushor, një sulmues. Në listën e drejtuesve të rinj janë shumë emra, por mediat italiane raportojnë sot se kanë "identikitin" e këtyre tri blerjeve. Ata janë Dahoud, që luan me M'Gladbah, Kesi që luan me Atalantën dhe Fabregas, që aktivizohet te Çelsi. Këta janë 3 emrat e parë që pritet të vijnë në "Milanello" gjatë verës, por objektivi parësor është rinovimi me portierin Donaruma.