Zhgënjejnë afrimet në merkato, rrezikohet mbijetesa

Është përkeqësuar jo pak situata e librazhdasve, të cilët, pas humbjes në Lushnjë, renditen të parafundit në klasifikim. Kështu ekipi i Sopotit rrezikon seriozisht mbijetesën, teksa pjesa më e madhe e sezonit ka kaluar. Afrimet e bëra në janar dhanë përshtypjen se ekipi do të përmirësohej dhe do të ishte ndryshe nga ai i fazës së parë, por këto tri ndeshjet e para po tregojnë të kundërtën. Lojtarët e afruar nuk po tregojnë atë që pritet, me përjashtim të Buzit që ka qenë më aktivi në skuadër. Faza përgatitore dhe ndeshjet miqësore në fillim të vitit ishin një faqe tjetër për ekipin e Sopotit, që në tri miqësore arriti tri fitore radhazi duke krijuar shpresën se Sopoti i pjesës së dytë të sezonit do ishte tjetër, por rezultoi thjesht një iluzion. Pavarësisht kësaj, stafi dhe grupi i lojtarëve kanë besim se do dinë si t'ia dalin dhe të ngrihen, pavarësisht vështirësive që po hasin. Ledion Qoshku