Riberi nis stërvitjet, në stol me Hamburgun

Frenk Riberi ka zbarkuar në fushën e blertë ditën e hënë për t'u stërvitur. Ylli francez ka bërë stërvitje individuale me top, si dhe ka nisur vrapin. 33vjeçari pritet që ditët në vijim të grumbullohet me skuadrën. Trajneri Ançeloti parashikoi të premten e kaluar se Riberi do të riaftësohet në kohë për ndeshjen e së shtunës kundër Hamburgut në shtëpi. Kujtojmë që Riberi pësoi tërheqje muskulore në kofshë në fund të janarit. Mjekët bavarezë parashikuan 2-3 javë mungesë, por në fakt nuk rezultoi e saktë. Ndërsa Boateng nuk ka qenë ende gati. Operacioni i tij në shpatull rrezikon edhe pjesëmarrjen në Londër. Ançeloti parashikoi edhe tri javë pushim për qendërmbrojtësin.