Përgatitjet mbyllen në shi, "ngujim" para ndeshjes
Tirana ka mbyllur përgatitjet dje. Në një seancë të larmishme, por pa ngarkesa, bardheblutë i kanë dhënë dorën e fundit javës antiFlamurtar. Shiu nuk është bërë pengesë për djemtë e drejtuar nga Mirel Josa. Ky i fundit është përqendruar te situata e lojës, duke këshilluar mbrojtjen dhe sulmin. Sakaq, fokusi u zhvendos edhe te goditjet standarde. Kryeqytetasit janë të dënuar për të fituar sot ndaj kuqezinjve. Kur numërojnë 4 humbje radhazi, tashmë as "X"-i nuk do t'u bënte punë. Pas barazimit të Luftëtarit ndaj Laçit, ky është shansi për t'iu afruar vendin të 4-t, por edhe për t'iu shkëputur ekipeve që rrezikojnë. Për të mbajtur grupin sa më të qetë dhe larg zhurmave, skuadra është grumbulluar gjatë pasdites në rezidencën e zakonshme.