Ervis Kaja "Nuk ishte penallti"
Shkaktoi penallti dhe u ndëshkua me karton të verdhë, por Kaja nuk është dakord me asnjë nga vendimet e kryesorit Myrtja. Sipas mbrojtësit të Korabit, Ribaj u pengua me këmbët e veta dhe është rrëzuar. Futbollisti, gjatë deklaratës së dhënë për "Panorama Sport", është shprehur se kryesori gaboi rëndë në akordimin e 11metërshit. "Në momentin që topi po shkonte drejt Ribajt, ai ndaloi. Të njëjtën gjë bëra edhe unë e më pas ai ra në tokë. Nuk kishte kontakt dhe nuk e kuptoj se pse u dha ajo penallti. E përsëris që nuk shkaktova ndërhyrje për 11-metësh", ka deklaruar Kaja.