Hoxha: Derbi i çuditshëm, Partizani i fiton të gjashta

"Kurrë nuk kam luajtur një takim të tillë me kaq diferencë"

Kapiteni i Partizan it, Alban Ho > ha, pas ndeshjes me Teutën, në intervistën e dhënë për "Panorama Sport" vlerësoi trepikëshin, pasi duhej ruajtur ritmi me rivalët. Portieri pohoi se është mirë kur sulmuesit zhbllokohen njëkohësisht, pasi në këtë pjesë të sezonit kërkohet maksimumi dhe fitore në çdo takim. Sa i përket derbit të radhës, Ho>ha nuk preferoi që të merret me rezervimet që bënë bardheblutë në Kukës, por ai ia lë fushës dhe ka besim të plotë se Partizani do të fitojë. Kapiteni i të kuqve theksoi se kurrë më parë nuk ka luajtur një derbi me 30 pikë diferencë mes skuadrave, ndonëse takime të tilla nuk vendosen nga pozicionet në renditje. Për Ho > hën është momenti që "demat" të mos shikojnë se me kë luajnë, por të marrin vetëm fitore.

Alban, ndaj Teutës iu kundërpërgjigjët rivalëve me një rezultat thuajse identik...

Normal që duhet të fitonim në këtë takim dhe në fund ruajtëm ritmin me rivalët. Ishte një rezultat i thellë, ku shënuam shumë gola, që do të na vlejnë për golavarazhin. Këta gola na bëjnë mirë, por nuk duhet të pësonim. Gjithmonë jam mundur që të mos pësoj gola, por qëllon ndonjëherë që edhe ndëshkohesh.

Mbrojtja e Partizanit shquhet për pësimin e pakët të golave, si ia dilni që të bëni më mirë se të tjerët?

Kjo është e vërtetë. Jemi mbrojtja më e mirë e kampionatit, por ka momente që sikur shthuremi ndonjëherë. Po të shikosh golat që kemi pësuar nuk është se kanë ardhur nga loja e rrjedhshme e kundërshtarit, por ka qenë më shumë si neglizhencë e jona. Shpresoj që të ruajmë ritmin tonë deri në fund dhe të realizojmë suksesin.

Nga fitorja me Teutën, çfarë ju gëzon më shumë: trepikëshi me goleadë apo shpërthimi i repartit sulmues?

E mira është që në këtë pjesë të fundit të sezonit sulmuesit të jenë në formë, ndaj zhbllokimi i tyre është në të mirë të Partizanit. Sigurisht, na pëlqen trepikëshi që morëm dhe na del për detyrë që të mos gabojmë në asnjë takim deri në fund të kampionatit.

Tirana rezervoi disa lojtarë në Kukës për t'i pasur të gatshëm për derbin. Ju si kapiten i Partizanit, si e shikoni këtë lëvizje të bardhebluve?

Nuk di çfarë të them për këtë gjë. Do ta tregojë fusha e lojës. Nëse do jemi të përgatitur për atë ndeshje, që sigurisht do të jemi të tillë, shpresoj ta kalojmë sa më lehtë derbin.

Derbet në këto sezonet e fundit kanë rezultuar si ndeshje të radhës për Partizanin, pasi keni 12 takime pa humbje. Mendoni se do të jetë i tillë edhe dueli i së premtes?

Ne kemi ecurinë tonë në kampionat, nuk duhet të shikojmë se kë kemi përpara. Normalisht që derbi ka specifikat e tij, megjithatë ne na duhet vetëm trepikëshi deri në

fund të sezonit. Pra, nuk shikojmë se kemi derbi, apo "R" apo "U" skuadër përballë, llogaritë e Partizanit janë vetëm trepikësha deri në javën e fundit.

Keni përjetuar ndonjë derbi ku dy skuadrat kanë diferencë 30- pikëshe njëra me tjetrën, në këtë rast Partizani 62 pikë, Tirana 32?

Kjo është hera e parë që ndodh me mua. Megjithatë, derbi gjithmonë ka qenë i bukur dhe i paparashikueshëm. Ka pasur momente ku pozicionet e skuadrave në renditje nuk kanë ndikuar fare në derbi, pasi në të tilla ndeshje motivimi vjen vetvetiu. Derbi tani luhet edhe për tifozët dhe kryeqytetin.

Skënderbeu apo Kukësi mbetet rivali më i frikshëm për Partizanin?

Të dy ekipet janë rivale të forta, por në fund do të shikojmë se kush do të jetë më i forti i këtij sezoni.