Nuk ka mungesa, por Josa "shkartis" grupin
Tirana nuk ka asnjë mungesë, përveç Gilman Likës që ka refuzuar që të luajë në Shkodër. Asion Daja është gati dhe mund të thuhet pa frikë që është titullar i padiskutueshëm, bashkë me Karabecin e Akuan në mesfushë. Pjesa tjetër është pezull dhe ndoshta Mirel Josa po i ngatërron "kartat" për të mbajtur në tonus grupin. Por, kur dihet që organika e bardhebluve është e cunguar, gjasat janë që në mbrojtje të rreshtohen katërshja: Doka-Teqja- Turtulli- Hoxhallari dhe porta sigurisht që do të mbrohet nga Ilion Lika. Në sulm mbetet Ifeani Edeh, ndërsa në krahët e mesfushës janë Taku me Mervielin.