Branica: Na cilësuan të rënë, por arritëm vendin e katërt
Trajneri i skuadrës peqinase, Sokol Branica, në një prononcim për "Panorama Sport" bën rezymenë e sezonit që sapo përfundoi duke e cilësuar si shumë pozitive performancën e Shkumbinit, për vetë objektivat e realizuar. "E nisëm kampionatin mes shumë peripecive për shkak të largimit të një numri të madh futbollistësh dhe në fillim të sezonit na cilësonin si skuadra më e rrezikuar për të zbritur një kategori më poshtë. Megjithatë, falë punës, grintës dhe dëshirës së treguar nga djemtë ne arritëm që ta realizojmë objektivin kryesor që ishte mbijetesa, që në fund të fazës së dytë. Madje, për një periudhë të gjatë kohore, Shkumbini ka qenë pozicionuar në vendin e tretë pas dy kryesuesve. Në përfundim të kampionatit arritëm që të renditeshim në vendin e katërt dhe ky ishte një sukses për Shkumbinin", tha Branica. Fatmir Ahmeti