Roma në lot, tërhiqet Françesko Toti
Peroti blindon vendin e 2-të, Xhenoa nuk e prish festën e kapitenit
Verdhekuqtë fitojnë me vështirësi në minutat e fundit duke siguruar fazën e grupeve në Ligën e Kampioneve. Një Xhenoa e shpenguar luan dhe gati se nuk prish festën e Françesko Totit, por në fund vendos një gol i argjentinasit Peroti për të çuar në delir të pranishmit në një "Olimpiko" të stërmbushur për ndeshjen e fundit të kapitenit. Me Napolin që fitonte 0-3 në Xhenova, djemtë e Spaletit nuk kishin rrugë tjetër përveç fitores. Falë Xhekos, kapitenit "të ri" De Rosi dhe argjentinasit Peroti, kryeqytetasit sigurojnë tri pikë dhe vendin e dytë në kampionat falë një sprinti në fotofinish me Napolin e Hysajt. Lamtumira e Totit Maldini, Bufon, Baresi, Zaneti, Ramos, Gerrard dhe De Rosi, shokët dhe kundërshtarët nderojnë një nga flamujt e fundit në botën e futbollit modern. Jo vetëm, miq, por edhe armiq, pa harruar trajner e masazhatorë e këdo tjetër që dashuron futbollin dhe njeh mitin "Toti". Legjenda e verdhekuqëve ka lexuar një letër [përpara tifozëve të tij pas përfundimit të ndeshjes: "Ka qenë fanella ime e vetme. Është një vendim që e kam marrë së bashku me gruan dhe familjen time. Do qëndroja këtu edhe për 25 vite të tjera. Faleminderit Roma, faleminderit familja ime, dua të shkruaj një poezi për ju tifozët që keni qenë më mua gjithmonë, por nuk jam i zoti ta bëjë. Nuk arrij ta besojë që kanë kaluar 16 vite që nga koha kur fitonim skudeton. Dua t'ia dedikoj këtë letër të gjithë juve që thërrisnit Toti-gol. Këtë fanellë e vesha për herë të fundit, edhe pse nuk jam gati t'i jap lamtumirën klubit tim të zemrës. Dhe ndoshta nuk do jem kurrë gati. Të fikësh dritat nuk është aspak e lehtë. Tani kam frikë, nuk është njësoj si të gjuash një penallti. Tani kam nevojë për ndihmën dhe mbështetjen tuaj. Ju dua të gjithëve dhe faleminderit që keni qenë pran meje"