"Tani çdo gjë në dorë të klubit"

Pavarësisht se ishte ndeshja e fundit sezonale dhe për klasifikimin vlente pak, trajneri Montela nuk i ka kursyer kritikat për skuadrën e tij në fund të ndeshjes së djeshme të humbur ndaj Kaljarit. Për kreun e stolit kuqezi ekipi mund dhe duhej të bënte me shumë: "Nuk më pëlqeu mendësia me të cilën nisëm ndeshjen. Nuk flas me emra të përveçëm, por prisja më shumë agresivitet. Ndeshja fillon kur fishkëllen arbitri, ndaj nuk mund t'i lejojmë vetes shpërqendrime në sezonin e ri. Sot (dje) u mbyll një sezon i vështirë nga i cili dua të veçoj fitoren në Bolonja, Superkupën në Doha, por sidomos këtë vend të gjashtë që për ne vlen shumë. Për merkaton jam shumë i kënaqur, klubi i di mendimet e mia dhe tani çdo gjë është në dorën e tyre, si për blerjet, ashtu edhe për rinovimet".