Palasio: Fatlum që kam luajtur për zikaltrit

Sulmuesi i Interit, Rodrigo Palasio, u ka dhënë lamtumirën zikaltërve, pas pesë sezoneve në Milano. "Jam shumë i lumtur që kam luajtur me këtë fanellë, falënderoj të gjithë tifozët dhe të gjithë ata që punojnë në 'Pinetina'. Pas pesë viteve, erdhi momenti që unë të largohem dhe t'i falënderoj të gjithë që më kanë ndihmuar në këtë eksperiencë të bukur për mua, por jo dhe aq për skuadrën. Pavarësisht vështirësive, kam luajtur tek Interi, ekipi më i madh në botë. Jam shumë fatlum. Ndeshja? Kjo fitore ishte e rëndësishme për të nderuar fanellën. Shpresojmë që vitin tjetër Interi të kthehet atje ku e ka vendin dhe ku meriton. Faleminderit për gjithçka".