Tirana zbret në fushë më 1 gusht

Tirana pritet të nisë përgatitjet për sezonin e ri më 1 gusht, në një kohë që kampionati i Kategorisë së Parë fillon më 16 shtator. Trajneri Ze Maria mësohet se i ka kërkuar klubit që përgatitjet të nisin në ditën e parë të muajit të ardhshëm, por dilemat për grupin e lojtarëve janë të mëdha. Emri më i ri që do t'i bashkohet Tiranës është 18-vjeçari Atdhe Grajçevci, i cili ka mbyllur sezonin me Prishtinën në Superligën kosovare. "Po, do t'i bashkohem Tiranës në stërvitje kur edhe starton me përgatitje. Kam ftesë zyrtare nga klubi bardheblu", është shprehur Grajçevci dy ditë më parë për mediat kosovare. Lojtari po punon individualisht që të jetë sa më i përgatitur për sfidën e re.