Halili: Vendos nesër për Merveil dhe Akuah

Presidenti i Tiranës, Refik Halili, konfirmoi ofertën e Osijekut, si dhe takimin që ka bërë me drejtuesit e këtij klubi për transferimin e Merveil Ndokyt dhe Ruben Akuah. Megjithatë, ai vendosi si afat deri të martën për konkretizimin e marrëveshjes. "Synimi ynë është të ruajmë një pjesë të pronësisë së futbollistëve. Pra, duam një përqindje në rast se ata rishiten në klube të tjera në të ardhmen. Nëse do të biem dakord për këtë pikë, atëherë pranojmë ta firmosim këtë marrëveshje. Tashmë jemi në hapat e fundit për të realizuar transferimin e Merveilit dhe Akuahsë. Negociatat vazhdojnë dhe përfundimisht do të vendosim brenda së martës", ka thënë Halili për "Panorama Sport".