Beqiri: Ta nisim punën sa më shpejt
Një ndër lojtarët e shqetësuar për mosfillimin e seancave stërvitore te skuadra e Luftëtarit është pa dyshim edhe kapiteni Orjad Beqiri. Në një deklaratë të shkurtër për "Panorama Sport", ai ka bërë me dije se përgatitjet duhet të nisin sa më shpejt në mënyrë që të arrihen objektivat e sezonit të ardhshëm. "Jemi në pritje dita-ditës për të filluar përgatitjet për sezonin e ardhshëm futbollistik. Besojmë se do të ruajmë ritmet e dy sezoneve të fundit, ndaj dhe startimi sa më shpejt nga përgatitjet do të mundësonte arritjen e çdo objektivi. Luftëtari ka grupin e sezonit të fundit, ndaj me punë dhe përkushtim të vazhdueshëm do të shfaqemi po aq të suksesshëm sa edhe sezonin e kaluar", tha Beqiri.