Domosdova me sytë nga Karriqi

Një prej lojtarëve kyç te Domosdova, nga i cili pritet shumë këtë sezon, është mesfushori me tipare sulmuese, Ledjon Karriqi. Në dy ndeshjet e zhvilluara deri tani, Karriqi ka qenë ai nga i cili priteshin golat, por që sulmuesi në shumicën e rasteve ka shpërdoruar goxha. Por, teksa këtë javë ekipi pritet të udhëtojë drejt Orikumit, në një transfertë të vështirë, Karriqi nuk nguron të shfaqë ambiciet e tij në këtë ndeshje, pavarësisht kundërshtarit dhe fushës së huaj. "Jam koshient dhe vetë që kam shpërdoruar goxha. Dua me mish dhe me shpirt të zhbllokohem dhe të dal nga kjo gjendje ngurtësie që kam pasur në dy ndeshjet e kaluara. Me Orikumin do synoj të shënoj", përfundoi Karriqi. Ledion Qoshku