Orsato në “VAR”, protagonist i derbit të fundit

Interi dhe Milani kanë ndjekur me vëmendje dizajnimet e arbitrave të javës së tetë, ku për derbin është "peshkuar" dyshja Paolo Taljavento- Daniele Orsato. Ky i fundit i ka drejtuar zikaltrit në fillim të këtij sezoni, pikërisht në ndeshjen e debutimit kundër Fiorentinës, në muajin gusht ( mbyllur me fitoren 3-0 të Interit). Një episod lidh Orsaton edhe me derbin, më saktësisht në sfidën e 15 prillit të këtij viti: 2- 2 rezultati përfundimtar: ndërsa kuqezinjtë ndodheshin në disavantazh një gol, Zapata vulos barazimin në minutën e 97'; Orsato akordoi fillimisht 5 minuta shtesë, të shtyra më pas në 7 dhe gjyqtari u bë shkak polemikash për zgjatjen e kohës së lojës.