Çështja "Godelli", Gjoza dhe Urso janë në një linjë

Panorama Sport (Albania) - - SHUMËSPORTËSH -

Presidenti Gjoza gjatë fjalës së tij u shpreh: "Shqipëria është një nga vendet më të mira në botë për organizimin e këtyre eventeve". Elez Gjoza, pasi ka falënderuar Presidentin e Republikës, Ilir Meta, dhe Kryetarin e Bashkisë, Erion Veliaj, ka dhënë dhe lajmin e mirë që kampionati Europian mori dhe garancinë e shtetit shqiptar. Ndërsa Presidenti i Federatës Europiane të Peshëngritjes, Antonio Urso, u shpreh se Shqipëria është e aftë të organizojë të tilla evente sportive. Gjatë konferencës për shtyp, nuk kaloi pa u prekur edhe çështja "Godelli". Gjoza, nëpërmjet disa "e-mail"ve zyrtare, ka kërkuar nga vendi organizator që të pajiset me vizë sportisti Godelli, por që nuk ka marrë asnjë përgjigje nga vendi organizator. Edhe për presidentin europian Urso, ky lajm ka qenë shqetësues, ashtu si për Federatën Europiane të Peshëngritjes. Nga Tirana ai deklaroi se ishte informuar për problemin e Godellit dhe çështjen do ta ngrejë për diskutim edhe në mbledhjen e Komitetit Ekzekutiv të EWF, ku do të kërkojë arsyet nga Komiteti Organizativ.

Newspapers in Albanian

Newspapers from Albania

© PressReader. All rights reserved.