Komiteti Olimpik, përplasje e ashpër me federatën
Fakti që Xhampiero Ventura nuk ka dhënë dorëheqjen dhe asnjë prej drejtuesve të Federatës Italiane të Futbollit nuk doli pas eliminimit për të marrë përsipër përgjegjësitë, ka hapur një luftë të ashpër me Komitetin Olimpik Italian (CONI), me presidentin e këtij institucioni, Xhovani Malago, i cili nuk ka frenuar tonet: "Jemi që të gjithë shumë të zhgënjyer për atë që na duhet të përjetojmë, por në të tilla momente edhe personat e duhur duhet të mbajnë përsipër përgjegjësitë e tyre. Dorëheqja e trajnerit Ventura është e detyrueshme, por nuk është vetëm ai problemi. Për këtë katastrofë duhet të dorëhiqet edhe presidenti i federatës, Karlo Tavekio, sepse ky është një dështim, jo vetëm sportiv, por edhe menaxherial".