Kuqeblutë pretendojnë për një 11-metërsh

Në minutën e 44-t të takimit ka një pretendim nga ana e Vllaznisë për 11-metërsh. Orelesi rrëzohet në zonë pas një dueli me LatifAmadu, që kishte ardhur në ndihmë të sulmit, por për gjyqtarin nuk ka 11-metërsh. Madje, për lojtarin e shkodranëve ka edhe kartonë të verdhë për simulim. Në pamjet filmike duket qartë se nuk ka pasur kontakt mes dy lojtarëve dhe Orelesi ka dashur që ta "vjedhë" penalltinë, por një gjë e tillë nuk i ka shpëtuar gjyqtarit kryesor dhe ndihmësve të tij. Sa i takon gjykimit, ndeshja është menaxhuar mirë dhe arbitrat nuk janë bërë protagonistë në vendosjen e rezultatit final të takimit. Edhe pse trajneri Gjoka gjatë ndeshjes nuk ka qenë i kënaqur me vendimet që ka marrë kryesori i takimit dhe ndihmësit e tij, duke pasur pretendime, jo vetëm për rastin e 11-metërshit, por edhe për goditje dënimi të zakonshme.