Marota: Jemi në 70% të formës

Drejtori i përgjithshëm i Juventusit, Xhuzepe Marota, nuk kërkon ta dramatizojë humbjen me Sampdorian: "Sivjet ka qenë një vit i veçantë dhe përgatitja është bërë në një mënyrë që maksimumin ta arrijmë nga janari e në vazhdim. Na vjen keq për këtë humbje sepse luajtëm mjaft mirë, por fakt është që skuadra është vetëm në 70 për qind të formës së saj. Pastaj, shumë të dëmtuar nuk na lejojnë që të bëjnë rrotacionin që duam, ndonëse nuk ka vend për panik. Të mendojmë për Barcelonën".