Tifozët, hyrja pa bileta
Kupa e Shqipërisë shtihet si shpëtimi i Kukësit. Titulli duket shumë larg, ndaj vëmendjen e kanë zhvendosur te ky trofe. Për këtë arsye verilindorët kërkojnë mbështetjen e tifozërisë kuksiane, me të cilët ekipi do të jetë më i fortë. Presidenti Safet Gjici ka vendosur që hyrja në stadium të jetë e lirë, pra pa bileta, duke i bërë një dhuratë tifozërisë kuksiane. Por, duke parë motin shumë të ftohtë e nën "mbretërinë e borës", pritet që pjesëmarrja të mos jetë shumë e madhe.