Emeri: Mësuam nga Barça, s’e ndryshoj Nejmarin me Ronaldon

Unai Emeri mendon se PSG-ja nuk është më e brishtë për të gabuar ashtu siç bëri një vit më parë dhe thotë se eliminimi nga Barcelona ishte hapi i parë për një projekt të rëndësishëm. Trajneri i PSG-së nuk ka ndërmend ta ndryshojë Nejmarin me Kristiano Ronaldon. NDESHJA- "Pres një ndeshje të luftuar dhe me shumë intensitet. Këto dy skuadra kanë lojtarë me shumë kualitet, të cilët kanë dëshirë të tregojnë vlerat e tyre individuale dhe forcën e grupit. Kur për ne është një mundësi e madhe për të treguar se jemi një ekip i madh dhe për të treguar se kemi më shumë eksperiencë. Jemi më të fortë sesa një vit më parë dhe nuk do të bëjmë të njëjtat gabime që bëmë ndaj Barcelonës. Jemi të përgatitur për një ndeshje të madhe". RONALDO-NEJMAR-" Të shkëmbeja Ronaldon me Nejmarin? Është një pyetje e vështirë, të cilës unë do t’i përgjigjem lehtësisht: Unë jam i kënaqur që kam Nejmarin në skuadër". BARCELONA-" Nga ai eliminim një vit më përpara ka nisur projekti ynë për të bërë një ekip të madh në Europë. Pavarësisht rezultatit të ndeshjes, PSG-ja është një ekip i fortë dhe gati për të luftuar". BBC-MCN- "Të dy sulmet janë të fortë dhe shumë të vështirë për t'u markuar, por të dyja skuadrat kanë edhe mbrojtje të forta, të cilat janë të përgatitura për këtë ndeshje të rëndësishme"