Gjyrezi dhe kapiteni Lika nuk reagojnë
Pas zotërimit të mesazheve dhe deklaratave të forta të bëra nga trajneri Ernest Gjoka mbi skuadrën dhe drejtuesit e Vllaznisë, gazeta "Panorama Sport" kontaktoi njëherazi me administratorin Gjyrezi dhe kapitenin e skuadrës, Gilman Lika. Asnjëri prej tyre nuk preferoi të përgjigjej për këtë gjë. Nuk dihet nëse heshtja e tyre është një aprovim i asaj që pretendon ish-trajneri i Vllaznisë apo nuk duan që në këto momente ta rëndojnë akoma më shumë situatën ku ndodhen dhe kërkojnë të përqendrohen maksimalisht te ndeshja e ardhshme kundër Kukësit për të fituar dhe për të shpresuar te mrekullia për të qëndruar në Kategorinë Superiore.