KAS “djeg” Skënderbeun, Ilir Daja zbarkon në Vlorë

Idrizi konfirmon takimin me trajnerin e korçarëve: Folëm për disa tema, tani jemi në pritje të një vendimi përfundimtar

Panorama Sport (Albania) - - FAQE 1 - LLAZI SARO

err fund ankthi dhe pritja e Skënderbeut për të mësuar vendimin e Gjykatës së Arbitrazhit Sportiv në Lozanë, pritje e cila u mbyll në mënyrën më të keqe të mundshme, pasi KAS la në fuqi vendimin e UEFA-s që Skënderbeu të mos luajë këtë sezon në Champions Ligë në pritje të gjykimit përfundimtar në këtë gjykatë. Një lajm që nuk le një shije të mirë në kampin bardhekuq, pavarësisht se fjala e fundit ende nuk është thënë nga gjykimi tërësor i çështjes. Gjithsesi, heqja e të drejtës së pjesëmarrjes është një goditje e rëndë për Skënderbeun, që vijon të mbetet në ajër për sa i përket përgatitjes për sezonin e ardhshëm dhe një date për grumbullimin e ekipit. Pasi shqyrtoi me kujdes kërkesat e Skënderbeut, KAS u shpreh zyrtarisht ditën e sotme përmes vendimit që citon se gjithçka është lënë në fuqi sipas vendimit të dhënë nga Apeli i UEFA-s. Në bazë të atij vendimi, Skënderbeu nuk mund të luajë për 10 vite në asnjë kompeticion europian dhe duhet të paguajë 1 milion euro gjobë.

SHKRESA - Në shkresën e KAS ku argumentohej vendimi për të hedhur poshtë kërkesën e Skënderbeut, shkruhet: "Gjykata e Arbitrazhit për Sport (KAS) ka hedhur poshtë kërkesën për masat e përkohshme të paraqitura nga klubi shqiptar i futbollit KS Skënderbeu, në të cilën kërkoi të qëndrojë ekzekutimin e vendimit të lëshuar nga Trupi i Apelit i UEFA-s më 26 prill 2018. Më 29 mars 2018, Trupi i Kontrollit, Etikës dhe Disiplinës i UEFA (UEFA CEDB) gjeti KS Skënderbeu përgjegjës për aktivitete të ndryshme të ndreqjes së ndeshjeve dhe lëshoi një vendim, në të cilin klubi shqiptar ishte përjashtuar nga pjesëmarrja në kompeticionet e UEFA-s, për të cilat nuk do të kualifikohen gjatë dhjetë viteve të ardhshme dhe i kanë urdhëruar klubit të paguajë një gjobë prej 1.000.000 euro. KS Skënderbeu e apeloi këtë vendim në Organin e Apelit UEFA, i cili mbështeti vendimin e marrë nga UEFA. Më 14 maj 2018, KS Skënderbeu paraqiti një ankesë në KAS kundër vendimit të Apelit UEFA, së bashku me kërkesën për një qëndrim të ekzekutimit të të njëjtit vendim të UEFA-s; Vendimi për kërkesën u mor sot. Procedura e arbitrazhit është në

vazhdim me shkëmbimin e parashtresave me shkrim. Data e dëgjimit ende nuk është fiksuar", thuhej në deklaratën e plotë nga ana e Gjykatës së Arbitrazhit Sportiv. Procedurat e arbitrazhit është në vazhdim, ndërkohë që klubi korçar do të vazhdojë

gjyqin në KAS për fitimin e pafajësisë. Ndërkohë, nuk ka ende një datë për gjyqin përfundimtar ku Skënderbeu ka kërkuar heqjen e dënimit 10vjeçar. Ndërkohë që ende nuk ka një datë se kur do të zhvillohet gjyqi i skuadrës së Skënderbeut në KAS.

Faksimile e vendimit të KAS

Newspapers in Albanian

Newspapers from Albania

© PressReader. All rights reserved.