Boate#.: Jemi .ati "ër Botërori#
Zherom Boateng është shumë entuziast për fillimin e kupës së Botës në Rusi. Mbrojtësi duket se është rikthyer nga dëmtimi që pësoi në Champions me Bajernin.
Si janë ditët e para në Vatuniki?
Ndihemi mirë, arritëm mirë dhe jemi stërvitur rregullisht. Jemi të gjithë të gëzuar dhe mezi po presim.
Ndeshjet e fundit miqësore nuk ishin shumë bindëse, jeni dakord?
Ndeshjet miqësore janë disi ndryshe nga ato të Botërorit. Që nuk shkëlqyem në ndeshjet e fundit, kjo u pa nga të gjithë dhe ne jemi të vetëdijshëm. Është një avantazh për ne që të dielën luajmë ndaj një kundërshtari të fortë. Na duhet të zhvillojmë një ndeshje të mirë dhe çfarë është më e rëndësishme, është të fitojmë. Jam i bindur që do të kemi një marsh më shumë në ndeshje, pasi dhe në stërvitja ka qenë ndryshe këto ditët e fundit.
E keni kaluar dëmtimin?
Ndihem shumë mirë, trupi im është në gjendje optimale. Sigurisht, do të hyj në ritëm me kalimin e kohës.
Është trajneri Lëv pika më e fortë e skuadrës?
Ai ka shumë vlera si person dhe si trajner. Është rritur shumë me kalimin e viteve. Na ka transmetuar një ndjenjë të mirë dhe shumë besim gjatë kësaj kohe që ndodhemi këtu.