TEPELENA

Tepelena e kërkoi me ngulm fitoren ndaj Këlcyrës, por në fund u mund me rezultatin 2-0. Skuadra nuk pati fat kur goditi shtyllën, ndërsa iu anulua edhe një gol. Në një prononcim për gazetën, trajneri Ilir Selimi shprehet: "Pas analizës, ne nxorëm mësimet. Edhe pse bëmë një lojë shumë të mirë, nuk arritëm që ta shmangnim humbjen. Megjithatë, ajo ndeshje kaloi tashmë dhe duhet të fokusohemi maksimalisht në ndeshjen që do të luajmë në Kuçovë. Është një sfidë e vështirë, por do të kërkojmë të marrim maksimumin e mundshëm", tha trajneri Ilir Selimi.