Egnatia, "ish-ët" kundër së shkuarës
Rrogozhinasit po vijojnë me intensitet të lartë përgatitjet për sfidën e radhës me Apoloninë. Nën drejtimin e trajnerit Bledar Sinella dhe stafit të tij, grupi i lojtarëve po merr ngarkesa në çdo drejtim. Seancën e djeshme, drejtuesit kanë menduar ta zhvillojnë në fushën e aneksit në qytetin e Kavajës. Kjo, për shkak se atje kushtet janë me të mira dhe u shërbejnë lojtarëve të ruajnë formën e mirë që po kalojnë. Ashtu si ndaj çdo kundërshtari të grupit, edhe me Apoloninë do ketë brenda duelit një sfidë "ish-ësh". Pasi disa lojtarë rrogozhinas apo e kundërta kanë luajtur sezone më parë me fanellat respektive. Te fierakët, kapiteni Rudin Nako vjet ka dhënë kontribut në Rrogozhinë duke lënë gjurmë dhe si golashënues në disa raste. Kurse tek Egnatia janë pjesë aktualisht Broshka, Dimo, Troka, Bakalli, Canka, që në Fier kanë kontribuar në periudha e vite të ndryshme. Një sfidë interesante për shumë lojtarë.